იმის მიხედვით, თუ რომელი უფრო დიდია: ხაზვის ლიმიტები (drawing limits) თუ ხაზვის ზღვრები (drawing extents), ავტოკადში ეს ოფცია იწვევს მთლიანი ნახაზის დანახვას.

ეს ოფცია მოითხოვს ორ რამეს: წერტილს, რომელიც იქნება ახალი ეკრანის ცენტრი და იმ მნიშვნელობას (ხაზვის ერთეულებში), რომელიც იქნება მისი ახალი სიმაღლე. არსებული სიმაღლე არის საწყისი ახალი სიმაღლისთვის, რომლიდანაც შეიძლება მთელი ნახაზის პანორამირება. თუ ახალი სიმაღლის მნიშვნელობას მოსდევს "X" (მაგ.:. 2x), მაშინ იგი აიღება, როგორც ზრდის ფაქტორი მიმდინარე სიმაღლესთან შედარებით; თუკი მოსდევს "XP", მაშინ აიღება, როგორც მასშტაბის ფაქტორი ფურცლის სივრცესთან მიმართებით და შეიძლება გამოყენებულ იქნას ფურცლის სივრცის ხედის ფანჯრების მასშტაბირებისთვის.

Zoom Dynamic

მასშტაბირების ეს ოფცია ძალიან გამოგადგებთ, თუ მას სწორად გაიაზრებთ. ის უზრუნველყოფს ძალიან სწრაფ მოძრაობას ნახაზის ირგვლივ. ოფციის არჩევის შემდეგ იგი გამოხაზავს ეკრანის გრაფიკულ სივრცეს და გვიჩვენებს ორ ოთხკუთხედს. დიდი ოთხკუთხედი აჩვენებს მიმდინარე ნახაზის ზღვრებს. პატარა ოთხკუთხედი კი გიჩვენებთ მიმდინარე ხედს "X"-ით შუაში, რომელიც მოძრაობს მაუსთან ერთად. ეს ხედის ოთხკუთხედი უნდა განთავსდეს ისე, რომ მისი დაბალი მარცხენა კუთხე მოთავსდეს სასურველი ხედის დაბლა მარცხენა კუთხეში. მაუსის მარცხენა კლავიშზე დაკლიკებით "X" იცვლება ">"-ით, რომელიც მიუთითებს ხედის ოთხკუთხედის მარჯვენა მხარეს. ეს კი გაძლევთ საშუალებას შეცვალოთ გადიდება-დაპატარავება. მაუსის მოძრაობით ხედის ოთხკუთხედი იკუმშება და ფართოვდება სასურველ ხედამდე. მარცხენა ღილაკით შეიძლება ცვალოთ ერთმანეთში პანორამირების (PAN) "X" და მასშტაბირების (ZOOM) ">" რეჟიმები სასურველი ხედის მიღწევამდე. როდესაც საჭირო ხედი შეირჩევა, დააჭირეთ <ENTER>-ს ან დააკლიკეთ მაუსის მარჯვენა ღილაკს, რომ ავტოკადმა გამოიყვანოს ეკრანზე სასურველი ხედი.

ეს ოფცია გამოიყვანს ეკრანზე ყველა გრაფიკულ ობიექტს, რომელსაც კი შეიცავს ნახაზი.

ამ ოფციით აღადგენთ მიმდინარე ხედამდე მყოფ ხედს. ამ ოპციით შეიძლება წინამორბედი 10 ხედის დაბრუნება.

ეს "ფარული" ოფციაა, რომლის გამოსაძახებლად აუცილებელი არაა "S"-ის აკრეფა. იგი მხოლოდ ზრდა-დაპატარავების ფაქტორის რიცხვობრივი მნიშვნელობის მითითებას მოითხოვს. გახსოვდეთ, რომ ფაქტორი მოქმედებს მთლიან ნახაზზე (რომელიც განსაზღვრულია ხაზვის ლიმიტებით). ერთზე ნაკლები მნიშვნელობა შეამცირებს ნახაზის ხედის ზომას, ხოლო ერთზე მეტი მნიშვნელობის რიცხვები კი გაზრდიან მას. თუ "X"-ს მოათავსებთ რიცხვის შემდეგ(მაგ.: 0.8x), მაშინ ეს ფაქტორი იმოქმედებს მიმდინარე ხედზე. თუკი "XP" იქნება მითითებული მასშტაბის ფაქტორის შემდეგ, მაშინ ხედი მასშტაბირდება ფურცლის სივრცესთან მიმართებით. ეს ძალზედ მოსახერხებელია ფურცლის სივრცეში ხედის ფანჯრის მასშტაბირებისთვის სპეციფიურ მასშტაბში. მაგალითად, "1/48XP" წარმოქმნის მოდელის სივრცის ხედს  ¼" = 1' მასშტაბში ფურცლის სივრცესთან მიმართებით.

ეს ოფცია (ასევე "ფარული") თხოვს მომხმარებელს აირჩიოს მიმდინარე ხედზე ფანჯრის ორი კუთხე, რათა გაზარდოს მითითებული სივრცე მთელ ეკრანზე.

<ENTER>-ის დაჭერა (მასშტაბირების 'zoom'-ის ბრძანების შემდეგ) ბრძანებათა ზოლში, ავტომატურად გადაგიყვანთ მასშტაბირების ცოცხალ 'Realtime' რეჟიმში. გეჭიროთ მაუსის მარცხენა ღილაკზე ნახაზის შუა წერტიში და ამოძრავეთ კურსორი ვერტიკალურად მაღლა (დადებითი მიმართულებით) ფანჯრის ზედა ნაწილისკენ,  ეს მოქმედება გაზრდის ხედს 100%-ით (2x გადიდება).  გეჭიროთ მაუსის მარცხენა ღილაკი ნახაზის შუაში და გადაადგილეთ კურსორი ვერტიკალურად დაბლა (უარყოფითი მიმართულებით), ეს მოქმედება კი ამცირებს ხედს 100%-ით (.5x დაპატარავება).

ფრონტალური ხედის (Aerial View) ბრძანება: DSVIEWER

არ აქვს

ფრონტალური ხედი არის მასშტაბირების ინსტრუმენტი, რომელიც გვიჩვენებს ნახაზის ხედს ცალკე ფანჯარაში, ასე რომ, თქვენ შეგიძლიათ სწრაფად გადაადგილდეთ სასურველ სივრცემდე. თუ თქვენ მუშაობის პროცესში დატოვებთ ფრონტალური ხედის ფანჯარას ღიას, თქვენ შეძლებთ მასშტაბირებას და პანორამირებას მენიუს ოფციის ან ბრძანების შეტანის გარეშე. თქვენ შეგიძლიათ ხედის შეცვლა ახალი ხედის ოთხკუთხედის შექმნით ფრონტალური ხედის ფანჯარაში. ნახაზის გასადიდებლად მარცხენა კლიკის გამოყენებით ხედის ოთხკუთხედი გააკეთეთ პატარა, დასაპატარავებლად კი შექმენით დიდი ხედის ოთხკუთხედი. ნახაზის მასშტაბირების ცვლილებისას, მიმდინარე მასშტაბის მდებარეობა რეალურ დროში გამოსახულია გრაფიკულ არეში. სკრინშოტი გვიჩვენებს, თუ როგორ გამოიყურება ხედის ოთხკუთხედი. ოთხკუთხედში მარჯვენა ღილაკის დაკლიკებით თქვენ შეძლებთ გადაადგილოთ ოთხკუთხედი იქ, სადაც მასშტაბირება გსურთ.

-

PAN

პანორამირება საშუალებას გაძლევთ ერთი მასშტაბის დროს სწრაფად იმოძრაოთ თქვენი ნახაზის ირგვლივ. PAN-ის (ან P-ს) ჩაბეჭდვით და <ENTER>-ის დაჭერით ეკრანზე გამოჩნდება ხელი. დააკლიკეთ მარცხენა ღილაკს და გეჭიროთ მასზე, რომ იმოძრაოთ ნახაზის გარშემო.